ലൈറ്റ്കോയിൻ (LTC) വില, തത്സമയ വില വിവരങ്ങൾ, വാർത്തകൾ

ഒരു പിയർ ടു പിയർ ക്രിപ്റ്റോകറൻസിയും സ്വതന്ത്രസോഫ്റ്റ്‍വെയറുമാണ് ലൈറ്റ്കോയിൻ. ഈ പദ്ധതി സ്വതന്ത്ര പകർപ്പനുമതിപത്രമായ എംഐടി/എക്സ്11 അനുമതി പ്രകാരം പുറത്തിറക്കിയിരിക്കുന്നു. കോയിനുകൾ ഉണ്ടാക്കുന്നതും പ്രചരിപ്പിക്കുന്നതും സ്വതന്ത്രമായ ഒരു ക്രിപ്റ്റോഗ്രാഫി നിയമമനുസരിച്ചാണ്. ഇത് ഒരു പ്രത്യേക അതോരിട്ടി നിയന്ത്രിക്കുന്നില്ല. ലൈറ്റ്കോയിൻ ബിറ്റ്കോയിനിന്റെ ആദ്യകാലത്തേയുള്ള ഒരു പകർപ്പ്(അല്ലെങ്കിൽ ആൾട്ട്കോയിൻ) ആണ്. 2011 ഒക്ടോബറിലാണ് ഇത് പ്രവർത്തനം തുടങ്ങിയത്. സാങ്കേതികകാര്യങ്ങളിൽ ഇത് ബിറ്റ്കോയിനുമായി വളരെ സാമ്യം പുലർത്തുന്നു. 2011 ഒക്ടോബർ 7 ന് ഗിറ്റഹബ്ബ് വഴി ലൈറ്റ്കോയിൻ പുറത്തിറക്കി. കോയിൻബേസിലെ മുൻഎൻജിനീയറിങ്ങ് ഡയറക്ടറും ഗൂഗിളിലെ ജീവനക്കാരനുമായിരുന്ന ചാർളി ലീയാണ് ഇത് നിർമ്മിച്ചത്. 2011 ഒക്ടോബർ 13 ന് ലൈറ്റ്കോയിൻ നെറ്റ്‍വർക്ക് സജ്ജീവമായി. ഇത് ബിറ്റ്കോയിൻ കോർ ക്ലൈന്റിന്റെ ഒരു പകർപ്പായിരുന്നു. പ്രധാന വ്യത്യാസം കോയിൻ ഉണ്ടാക്കാനെടുക്കുന്നസമയം കുറവായിരുന്നു എന്നതാണ് (2.5 മിനിട്ട്). ഉണ്ടാക്കാവുന്ന കോയിനുകളുടെ എണ്ണത്തിലുള്ള വർദ്ധന, ഹാഷിങ് അൽഗോരിതം എസ്ക്രിപ്റ്റ് (എസ്എച്ച്എ-256 നു പകരം), കുറച്ച് മാറ്റംവരുത്തിയ സമ്പർക്കമുഖം എന്നിവയും ഇതിന്റെ പ്രത്യേകതയായിരുന്നു. 2013 നവംബറിൽ ലൈറ്റ്കോയിനിന്റെ ആകെ മൂല്യം വളരെ വലിയ കയറ്റത്തിനുവിധേയമായി. 100% വളർച്ച 24 മണിക്കൂറിലുണ്ടായി. Wikipedia

യുണൈറ്റഡ് സ്റ്റേറ്റ്സ് ഡോളർ എന്നതിനെക്കുറിച്ച്

അമേരിക്കൻ ഐക്യനാടുകളുടെ ഔദ്യോഗിക നാണയമാണു ഡോളർ. മറ്റ് ചില രാജ്യങ്ങളിലും യുഎസ് ഡോളർ ഔദ്യോഗികമായും നിയമപരമായും കറൻസിയായി ഉപയോഗിക്കുന്നുണ്ട്. ഡോളർ ചിഹ്നം $ ആണ് സാധാരണയായി അമേരിക്കൻ ഡോളറിനെ സൂചിപ്പിക്കാൻ ഉപയോഗിക്കുന്നത്. $ ചിഹ്നം ഉപയോഗിക്കുന്ന മറ്റ് പല ഡോളർ കറൻസികളും ഉള്ളതിനാൽ അവയിൽനിന്ന് തിരിച്ചറിയുന്നതിനായി USD, US$ എന്നിവയും ചുരുക്കെഴുത്തായി ഉപയോഗിക്കുന്നു. ഒരു ഡോളറിനെ 100 സെന്റുകളായി വിഭജിച്ചിരിക്കുന്നു. 1785 ജൂലൈ 6ന് കോൺഗ്രസ് ഓഫ് ദ കോൺഫെഡറേഷൻ ഡോളറിനെ അമേരിക്കയുടെ ഔദ്യോഗിക നാണയമായി സ്വീകരിച്ചു.അന്താരാഷ്ട്ര പണമിടപാടുകളിൽ ഏറ്റവും ഉപയോഗിക്കപ്പെടുന്ന കറൻസി യുഎസ് ഡോളറാണ്. 1995ൽ ഇതിന്റെ വിനിമയം $38000 കോടി ആയിരുന്നു. അതിൽ മൂന്നിൽ രണ്ടുഭാഗവും വിദേശരാജ്യങ്ങളിലായിരുന്നു ഉപയോഗിക്കപ്പെട്ടിരുന്നത്. 2005ഓടെ വിനിമയം $76000 കോടിയായി. അതിൽ ഏകദേശം പകുതി മുതൽ മൂന്നിൽ രണ്ട് വരെ അമേരിക്കക്ക് പുറത്തായിരുന്നു. ഡിസംബർ 2006ലെ കണക്കുകളനുസരിച്ച് ആകെ വിനിമയമൂല്യത്തിന്റെ കാര്യത്തിൽ യൂറോ, അമേരിക്കൻ ഡോളറിനെ മറികടന്ന് ഒന്നാം സ്ഥാനത്തെത്തിയിരിക്കുകയാണ്. ഇപ്പോഴത്തെ മൂല്യപ്രകാരം 102900 കോടി അമേരിക്കൻ ഡോളറിന്‌ തുല്യമായ €69500 കോടിയാണ് യൂറോയുടെ മൊത്തവിനിമയം. Wikipedia